Eboluzioa: Euskal Herritik Darwineraino

Nekane Balluerka UPV/EHUko errektoreak Euskal Herriak zientziaren garapenean izan duen bilakaera izan du hizpide, XVI. mendetik hasi eta XXI. menderarte. Mugarri izan diren zenbait gertakari aipatu ditu: Oñatiko Unibertsitatearen sorrera, XX. mendearen garrantzia, Zientzia eta Teknologiaren Sarearen sorrera…Urte horietan guztietan, Euskal Herriaren ezaugarrietako bat  gizarteak beti egin duela formakuntzaren aldeko apustua izan da. Etorkizunean ezagutzaren gizarte baten alde egin beharko genukeela azpimarratu du, eta horretarako bi hitz gako eman ditu: ausardia eta auzolana. 

“Darwin ez zen izan eboluzioa eta hautespen naturala aurkitu zituen bakarra, baina bakarra izan zen munduari aurkeztu zizkiona eta haien garrantziaz konbentzitu zuena. Darwinek saldu zion munduari”. William Friedman botanikariaren hitzaldiko azkeneko esaldietako bat izan da hori. Eta horrexegatik, hain zuzen, lotzen dugu eboluzioarekin Darwin eta ez Wallace edo lehenago eboluzioari buruzko ideiak idatzi zituen beste inor.