Itzalaren eta argiaren manipulazioa hizpide

Hil egingo dela jakinez bizi den espezie bakarra gara. Ba al dago beste espezieren bat hau bukatu egingo dela dakienik? Maria Martinon-Torres paleoantropologoak gizakiaren hilezkortasunaren borrokak azken milaka urteetan izan duen bilakaeraren errepaso bat egin du, gizateriaren memoriak gordetzen duen erregistro fosilari esker, eta horrek balentriak berreraikitzeko aukera ematen digu. Azpimarratu du hiltzera goazela jakinda bizi izateak sortzen digun estutasun hori gaitasun intelektual konplexuaren, gizarte aurreratuaren eta enpatia oparo baten ondorio direla. Gizakia orainean, iraganean eta etorkizunean bizitzeko gai da.

Sir John Pendry fisikari britainiarra, bestalde, argia manipulatzeko zenbait teknikari buruz aritu da, Pendryk berak bitxitzat jo dituenak, zeintzuei esker argia kontrolatu eta efektu eta erabilera apartak lor baitaitezke. Hitzaldiaren protagonistetako bat errefrakzio-indize negatiboa izan da, baita errefrakzio hori duten materialak ere. Izan ere, propietate horrek gai bihurtzen ditu materialok argia mugarik gabe enfokatzeko, eta objektuak nanoeskalan ere ikustera irits daitezke.